تعالي اعرف ازاي تفرق بين العمله المزوره والسليمه بالصور والخطوات

تعالي اعرف ازاي تفرق بين العمله المزوره والسليمه بالصور والخطوات

من طرف مصطفي مجدي الخميس مارس 07, 2013 2:56 pm

السلام عليكم

ازيكوا

الايام دي تزوير الفلوس بقى على ودنه
والناس اللي للاسف معندهمش ضمير بقم يغرقوا البلد بالفلوس المزوره
علشان احوال البلد وغياب الامن

بقت انزل اشتري حاجه الاقي الراجل بيدقدق في الفلوس
يشوفها مزوره ولا لا
واقوله مش مزوره والله

يقعد يحكيلي عن فلانه اللي كان معاها فلوس مزوره
وفلانه اللي ادتيدله فلوس ومكنتش تعرف انها مزوره

يعني في النهاية الفلوس المزوره بقت منتشره في الوقت ده كتير قوي

فقلت اعملكوا الموضوع ده واعرفكوا تعرفوا ازاي المزور من السليم

بس الاول اطلعوا على التقييم علشان الموضوع يثبت والكل يستفادoو ادعيلي دعوه حلوه كده زيك بالظبط

دي شوية فروق او كل الفروق بين الفلوس المزوره والفلوس السليمه
وهنبدتي بالفروق اللي بنحسها مش بنشوفها
اللي بنشوفها هتبقى بعد اللي بنحسها

1)ملمس العملة،
العملة الصحيحة ذات ملمس ناعم علشان مصنوعة من القطن
ولكن العملة المزورة مصنوعة من الورق العادى

2)العملة الصحيحة بها تضاريس ناتجة عن طباعتها وهناك سلاسة في الأماكن الخالية من حبر الانتاليو.
أما العملة المقلدة فملمسها خشن وهذا مصدره أن الورق المستعمل في تقليدها ليس مأخوذا من الورق المستخدم في العملة الصحيحة.
ولهذا يكون الملمس غير دقيق ولا يوجد تماسك في الورقة المقلدة..
أما الورقة الصحيحة فتكون متماسكة حتي وهي قديمة.

3)البروز
من أكثر الأشياء الى تساعد فى كشف العملة المزورة،
لأن الكتابة فى العملة الصحيحة بارزة،
وكمان الأحبار المتغيرة فعند إمالة الورقة الصحيحية فى الضوء تتغير لون العمله من اللون الأخضر إلى النحاسى
وفيما عدا ذلك تصبح الورقة مزوة.

4)الالوان
الألوان وهي غامقة عن الأصلية

خلاص كده عرفنا ان احنا بنحسه من ملمس العمله
طب اللي بنشوفه بقى

هشرح على ورقه مائة جنيه
[ندعوك للتسجيل في المنتدى أو التعريف بنفسك لمعاينة هذا الرابط]
تعالي اعرف ازاي تفرق بين العمله المزوره والسليمه بالصور والخطوات

انا مرقمها على حسب العلامات اللي بنشوفها

1)شايفين العين دي دي عين حورس
نص العين في وش العمله
والنص التاني في ضهرها
لما بنرفع الورقه علشان نشوف العلامه المائيه هنلاقي نص العين ظهرت للنص التاني
وبكده اكتملت عين حورس كلها

2)مكان رقم 2 ده هيظهر علامه مائية لقيمة العمله
اللي هي 100 جينيه
ودي برضوه موجوده في ضهر العمله
بس لما بنرفع العمله بتبان من قدام زي العلامه المائيه

3)ده بقى هيظهر العلامه المائيه بتاعة ابو الهول
ومش ابو الهول وبس لا تحطيه قيمة العمله بخط صغير

4)دي العلامه البارزه اللي بنشوفها في كل الفلوس

5)دي بقى محتاجه مكبر هههههههه
مش عارفه دي بقى معلومه تعرفوها ولا لا
بس فيه في العمله في الاخر خط رفيع قوي
ده بيبقى قيمة العمله مكتوب جمب بعض كتييييييييير

العلامات المائيه لكل العملات

أ - فئة ال 25 قرش , و ال 50 قرش , و ال جنية (قناع توت عنخ امون)
ب - فئة الخمسة جنيهات (رأس تمثال تحتمس الثالث و رقم 5 بشفافية أعلى)
ج - فئة ال عشرة جنيهات (رأس خفرع و رقم 10 بشفافية أعلى)
د - فئة العشرون جنيها (رأس تمثال الاميرة نفرت و رقم 20 بشفافية اعلى) .
ه - فئة الخمسون جنيها (رأس تمثال اخناتون و رقم 50 بشفافية اعلى)
و - فئة المائة جنية (رأس تمثال ابو الهول و رقم 100 بشفافية اعلى)
ز - فئة المائتان جنيه (رأس تمثال الكاتب المصرى و رقم 200 بشفافية اعلى)
وبكده انا اكون خلصت العلامات

نشوف بقى نموذج للعمله المزوره والاصليه
[ندعوك للتسجيل في المنتدى أو التعريف بنفسك لمعاينة هذا الرابط]
[url=https://servimg.com/view/18125549/64][ندعوك للتسجيل في المنتدى أو التعريف بنفسك لمعاينة هذه الصورة][/url

]

تعالي اعرف ازاي تفرق بين العمله المزوره والسليمه بالصور والخطوات

خلاص كده تم بحمد الله
يارب يكون المعلومات ووصلتلكوا بسهوله

يلا على التقييييييييييييم علطول
ههههههههههههه
لاني بجد تعبت في الموضوع ده
والموضوع كله من اوله لاخره من مجهودي وتجميعي وشرحي

مصطفي مجدي